準新生嘅寶寶好快就返學，幼稚園通常都會有新生適應日，比一位家長陪小朋友返學，由一個小時開始、變兩小時，再變3小時。想知新生適應日到底做啲咩？
簡單咁講，家長就係伴讀書僮，陪住小朋友上早會、主題、普通語、英語、大肌肉、圖工、排洗、茶點等等，聽到都開心呢？老師都會有設計位比家長同小朋友有親子互動，其實都幾難得，可以等家長好清楚咁了解到平日係學校做啲咩、老師又係點樣教學等等。
觀察咁多年都有啲小貼士分享下，有家長會安排一日爸爸一日媽媽一日工人姐姐做伴讀書僮，咁就大家都可以感受到返學嘅情況，咁工人姐姐呢？ah Mum 話嘗試比小朋友同工人姐姐返學，試下放手。係OK的，但大前題係由工人姐姐陪返學果日都係由工人姐姐送返學，唔係爸爸媽媽係門口送行，唔係就無咗意義嘞！眼見果位家長嘅策略都幾成功！果位小朋友到正式返學都適應得幾好！
家長當日做伴讀書僮時，如非學校設計嘅親子位，盡可能都做旁觀者，等小朋友自己學習要點放書包、攞茶杯盒、排洗企位之類，觀察到佢真係handle 唔到先再引導佢完成，唔好真係咩都幫小朋友做曬，到你唔係到陪佢嘅時候，佢就可能會唔習慣嘞！
每位幼兒在第一次上課時也會經歷與父母分離的階段，做父母的不用太擔心，只要學會放手，放心交給學校及老師，小朋友自然會在學習過程中適應及成長。返學前同後都多啲同小朋友傾下，給予多啲正面感覺比小朋友都有幫助！