開學初期，好多家長都會擔心自己嘅小朋友係學校門口哭鬧吾肯返學，到底入到幼稚園會點？老師又會點處理呢？不如我地就分享下啦！
一般情況下，老師通常都會抱住小朋友一陣，或者攬下佢哄下佢比D安全感佢，好多小朋友其實入到學校都即刻止咳唔再喊，因為小朋友好聰明知道扭計都無用。當然，有小朋友都會繼續喊要搵婆婆啊媽媽啊，咁老師通常都會話：「好啦！你冷靜D先，我地依家一齊打電話，叫媽媽快D泥！」，小朋友會呆一呆：「好！」然後繼續喊，老師就會話：「你唔好喊住先，知唔知道電話幾多號架？你喊我聽唔到嘞！」試過有剛入學嘅小朋友真係突然認真起來，講得出正確嘅電話號碼，所以話依家D小朋友真係好利害。識講又好唔識講都好，最終老師都會帶佢出校務署，扮打電話比接送者，叫佢快D泥，大部分小朋友都會唔再喊。
小朋友好簡單、直接、好快忘記，只要輕輕轉移一下佢地嘅專注點就可以。
當然，老師嘅愛心不可缺！都有個別小朋友都會繼續喊，唯有比部假電話佢在手，係！係假電話！小朋友又會唔喊，神奇呢？不過諗諗下又喊，老師又會提提佢：「打電話啦！泥緊啦！」就咁，小朋友就慢慢適應過泥，又開開心心咁玩玩具。
你問我點解一部假電話咁犀利？小朋友特性係易忘記唔愉快嘅嘢，呢頭喊，呢頭又笑番！就係咁簡單🤭🤭🤭