香港有唔少爸爸媽媽，為咗令小朋友可以成功考入心儀嘅幼稚園，平日都會花盡心思幫孩子備戰。當中英文就係面試重要環節。試諗下，如果小朋友平日都經常接觸英文，即使喺陌生環境或者面對陌生人，亦能夠應付自如。況且近年嘅入學試，學校都流行透過用教具從旁觀察小朋友嘅表現，以便甄選合心意嘅學生。因此，父母宜預早讓小朋友接觸英語教具，未雨綢繆。
辨認英文字字母拼音
想小朋友學英文學得輕鬆又自然？不妨利用益智教具幫下手，從遊戲學習絕對係有效嘅方式。爸爸媽媽可以選擇能幫助孩子認識A~Z、大、小階、拼寫同建立英文詞彙能力嘅教具。面試時，有機會測試小朋友辨認英文字母及字母拼音(letter sound)嘅能力。平時練習嘅時候，父母可以透過屋企嘅日常物品、家具或者食物等，從小朋友熟悉嘅物件開始，將相對嘅字卡貼喺物品上，例如枱（Table）、書本（Book）、玩具（Toy），然後叫小朋友從英語教具中抽出相應嘅英文字母，小朋友就需要抽出「T」、「B」等字母。一般喺K1～K2階段，小朋友開始接觸拼讀簡單嘅英文單詞例如Apple、Egg、Ice cream等，甚至有部分己經開始學習A、E、I等元音。透過邊玩邊學，有趣互動嘅過程，26個英文字嘅基礎字母拼音更易記入腦，學起黎快過坐火箭。
日常對話加深印象
另外，校方亦可能會要求小朋友讀出枱上面嘅字卡或物件上嘅生字，並配以簡單嘅問答進行。爸爸喺屋企已可以運用週邊物件配合英語教具考下小朋友︰例如拎住A字母問︰「有種紅色嘅水果係A字開頭嘅，可以拎俾爸爸嗎？(然後一齊讀出apple)」或者拎起雞蛋問下佢「E for...?」等。進一階段，更可以同小朋友一齊串出整個英文字彙，同時將其餘幾個英文字母都抽出。爸爸媽媽亦可以利用唔同嘅物品、詞彙進行簡單嘅問答，比如可以指著張枱問小孩「What is this?」，等他回答「It's a table!」，並以唔同英文單詞請他重複幾次。大小朋友一齊活用身邊事物加上教具配合，透過呢種互動對答，讓小朋友參與其中，增加佢地對英文詞彙嘅興趣，而圖像化更容易將當中嘅英文字好好記下。
正面鼓勵和認可
面對唔同嘅語境下，小朋友一開始難免會感到膽怯和疑慮。只要平日加以訓練，面試時都能夠同平日一樣，自然而然地以英語回應。另外，爸爸媽媽陪小朋友邊玩邊學之餘，記得唔好吝嗇對佢地讚賞同鼓勵！父母嘅正面回饋係小朋友自信心嘅來源，亦係小朋友繼續學習英文動力之一。而過程中要保持輕鬆態度，給予小朋友適度嘅休息，孩子自然更易投入英語世界之中。
選擇專家推薦之選
現時坊間適合小朋友嘅英語教具眾多，要達到一定嘅學習成效，當然要選擇專家授權和推薦之選。當中Fritzs Learning嘅字母火箭，受到美國教育專家推薦嘅早期學習英語教具，絕對係家長嘅好幫手。
火箭頭同身有不同圖案，孩子可以通過圖案學習不同嘅英文單詞。爸媽亦可以將同色的火箭拆散並混合，然後讓孩子按照火箭尾字母，以配對方式搵出符合嘅圖案，例如火箭尾字母係F，就需要搵到叉（Fork）圖案及魚（Fish）圖案。字母火箭除可以幫助小朋友掌握英文元音嘅技巧，更有助小朋友以好玩遊戲認識更多英文詞彙。家長重可以將孩子己經學左嘅字母火箭砌起，愈 學愈多!愈 砌就愈高! 有興趣了解詳情，請瀏覽以下連結。