出年九月年滿兩歲八個月的小朋友，係咪都襯定衫仔，為踏入幼稚園面試旺季做好準備呢？想輕輕鬆鬆咁面對幼稚園面試？就等我呢個前幼稚園教師嘅媽媽同大家分享下啦！
家庭面見：部份幼稚園會以家庭作一個單位去面見老師，一般老師會與幼兒進行互動遊戲，當中提問幼兒一些基本知識（例如：你叫咩名？今日邊個陪你嚟？你今年幾多歲？今日早餐/午餐食咗啲乜嘢？顏色、數概、英文字母等）
小組遊戲：部份幼稚園會以小組遊戲形式去面見小朋友，一般會分10個小朋友為一組，教師會以故事或音樂活動去觀察幼兒的參與度、投入度、主動性、專注度及其他行為表現🤭⋯⋯ 個人面見：少部分幼稚園會請幼兒在沒有家長陪同嘅情況下自己進入課室面見，而能夠自己行入一個陌生環境去面見老師對小朋友來說真的有難度😅⋯⋯
幼稚園都希望家長與學校教育理念一致，故此，幼稚園一般會以問卷形式收集家長對學校嘅睇法，（例如：什麼途徑知道想報讀嘅學校？平日主要照顧者？ 假日家長會帶小朋友去邊度玩？……. ）
面試小貼士：家長可以日常多與小朋友溝通，嘗試讓小朋友透過故事書及日常生活知識去學習，提升他們語言表達嘅能力。家長面見前就需要了解一下幼稚園嘅教學方法，這樣就更有信心與孩子一起享受面試。面試一定得！ENJOY~
#幼稚園面試 #面試準備 #香港幼稚園 #面試 #早期教育 #幼兒教育